متوحمه

في استاذ مدرسه أجته بعثه على دوله أوروبيه ,فأخذ مرته وراح , وما في تسع شهور والا مرته

حامل وجابتله ولد أشقر عيونه ملونه , فأستغرب الاستاذ وسألها :شو هاد ؟؟؟؟؟؟

جاوبته : شو بدي ساوي أنت بتروح عالمدرسه وأنا بقعد عالبلكون أوروبي رايح وأوروبي جاية

الظاهر أني توحمت على شيء اوروبي.

فهز راسه الاستاذ وقلها : ما في مشكله اذا هيك .

وبعد فتره أجته بعثه على دول جنوب أفريقيا وكمان ما في تسع شهور والا مرته حامل,

وجابتله ولد أسود شفايفه كبار وشعره مكزبر , نط الاستاذ وقلها : شو هاد يا مره

قالت له :شو بدي ساوي أنت بتروح عالمدرسه وأنا بقعد بالبلكون جنوب أفريقي رايح وجنوب أفريقي جايه الظاهر أني توحمت على شيء جنوب أفريقي

قلها أذا كان هيك ما في مشكله .

وبعد كل ها لشغل رجع على بلده على بيت اهله وهونيك استقبلته أمه ,وأستغربت أشد الاستغراب وقالتله مين هدول.

قلها : ولادي , قالتله : وكيف هيك ,

فشرح لها أن مرته مره توحمت على أوروبي ومره على جنوب أفريقي , فهزت راسها و قالتله:

بتعرف يا أبني أنا صار معي وقت ولدتك .

قلها : معقول ماما ولا مره حكيتيلي هاالشيء . قالتله : أبوك كان يروح على الارض وأنا قاعده بأرض الدار , حمار رايح حمار جاي